კონსტანტინე ბარქაია

დაიბადა ქ. ქუთაისში. 1976 წელს დაამთავრა თბილისის სახელმწიფო სამედიცინო ინსტიტუტი. 1978-1981 წლებში იყო კომკავშირის რაიკომის პირველი მდივანი ქუთაისში, პარარელურად პროფესიით - ქუთაისის რესპუბლიკურ კლინიკურ საავადმყოფოში; 1981-1982 წლებში - ქუთაისის ავტოქარხნის საავადმყოფოს მთავარი ექიმი; 1982 წლიდან იყო საქართველოს ჯანდაცვის სამინისტროში, სამმართველოს უფროსის მოადგილე, შემდეგ სამმართველოს უფროსი; 1991-1992 წლებში - სამედიცინო ინფორმატიკის ინსტიტუტის უფროსი მეცნიერ-თანამშრომელი; 1992 წლიდან იყო ჯერ ჯანდაცვის სამინისტროს სამმართველოს უფროსი, შემდეგ მინისტრის მოადგილე; 1994 წლიდან დეპუტატად არჩევამდე მუშაობდა პროფკავშირის კურორტის მართვის რესპუბლიკური საბჭოს თავმჯდომარის მოადგილედ, ეკონომიკის რეფორმების შტაბის უფროსად, პარალელურას ეწეოდა პედაგოგიურ საქმიანობას თბილისის საწელმწიფო სამედიცინო უნივერსიტეტში; იყო საქართველოს პარლამენტის ჯანდაცვისა და სოციალურ საკითხთა კომიტეტის თავმჯდომარის პირველი მოადგილე, ჯანმრთელობის დაცვის ქვეკომიტეტის თავმჯდომარე. იყო ჯანდაცვის ორგანიზაციის უმაღლესი კატეგორიის სპეციალისტი. საქართველოს ტერიტორიული მთლიანობისათვის ბრძოლების მონაწილე - სამედიცინო სამსახურის უფროსი; კურორტთა მართვის რესპუბლიკური საბჭოს თავმჯდომარის მოადგილე (1994). საქართველოს პარლამენტის წევრი (1995-99): მაჟორიტარი, № 59 ქუთაისის საარჩევნო ოლქი, ჯანმრთელობის დაცვისა და სოციალურ საკითხთა კომიტეტის თავმჯდომარის პირველი მოადგილე, ჯანმრთელობის დაცვის ქვეკომიტეტის თავმჯდომარე, გარემოს დაცვისა და ბუნებრივი რესურსების კომიტეტის წევრი. საქართველოს საგარეო საქმეთა სამინისტროს საგანგებო დავალებათა ელჩი; თბილისის სახელმწიფო სამედიცინო უნივერსიტეტის სამედიცინო ფაკულტეტის საინფორმაციო სამსახურის უფროსი, სამედიცინო სამართლის კურსის ხელმძღვანელი; ტოქსიკოლოგიის ეროვნული საინფორმაციო საკონსულტაციო ცენტრის დირექტორის მოადგილე (2000-2005); 2005 წლიდან ქუთაისის სამხარეო კლინიკური საავადმყოფოს სამეთვალყურეო საბჭოს თავმჯდომარე; აკადემიკოს ოთარ ღუდუშაურის სახელობის ეროვნული სამედიცინო ცენტრის სამედიცინო საქმიანობის მართვის დეპარტამენტის უფროსი (2006-2008). მედიცინის მეცნიერებათა დოქტორი; 20-ზე მეტი სამეცნიერო ნაშრომის ავტორი; საქართველოს მედიკოს-სოციალური აკადემიის აკადემიკოსი; მედიკოს-სოციალური კავშირის - “კავკასიის მედიკოსი” - პრეზიდენტი; საქართველოს წითელი ჯვრის საზოგადოების პრეზიდიუმის წევრი; ღირსების ორდენის კავალერი, ქუთაისის საპატიო მოქალაქე. ქ. ქუთაისში ერთ-ერთ ქუჩას დაერქვა კონსტანტინე ბარქაიას სახელი.

• მედიკოს-სოციალური კავშირის - “კავკასიის მედიკოსი” - პრეზიდენტი
• საქართველოს წითელი ჯვრის საზოგადოების პრეზიდიუმის წევრი

• უთაისის საპატიო მოქალაქე
• ღირსების ორდენის კავალერი