იუსტინე არველაძე

დაიბადა ქ. თბილისში. 1971 წელს დაამთავრა თბილისის სახელმწიფო სამედიცინო ინსტიტუტი. 1971-1972 წლებში იყო ქარელის რაისაავადმყოფოს ანესთეზიოლოგი; 1973-1981 წლებში თბილისის სამედიცინო ინსტიტუტის ანატომიის კათედრის კათედრის ასისტენტი; 1981-1986 წლებში იყო ჟორდანიას სახელობის სამეცნიერო-კვლევითი ინსტიტუტის უფროსი მეცნიერ თანამშრომელი; 1986-1996 წლებში - თბილისის I სამედიცინო სასწავლებლის ლაბორატორიის ხელმძღვანელი, დირექტორის მოადგილე; 1996 წლიდან რესპუბლიკური ცენტრალური კლინიკური საავადმყოფოს მთავარი ექიმი. მედიცინის მეცნიერებათა კანდიდატი. აქვს 8 სამეცნიერო ნაშრომი. საკანდიდატო დისერტაციის თემა - "სხვადასხვა ტიპის კაპილარების ასაკობრივი ცვლილებები", დაიცვა 1986 წელს.