ბორის კონსტანტინეს ძე ღოღობერიძე

დაიბადა ქ. ქუთაისში. 1912 წელს დაამთავრა ნოვოროსიის (ოდესის) უნივერსიტეტის სამედიცინო ფაკულტეტი. გამოჩენილი მეან-გინეკოლოგი. პროფ. ვს. ორლოვის მოწაფე. მედიცინის დოქტორი, სადისერტაციო შრომა - „К вопросу об углеводистом питании эмбриона (экспериментальное исследование)“ (1919). პროფესორი, მეცნიერების დამსახურებული მოღვაწე. თეორიული და პრაქტიკული გინეკოლოგიის ერთ-ერთი ფუძემდებელი საქართველოში, პირველი ქართული სახელმძღვანელოს ავტორი მეანობაში. მისი შრომები ეხება მშობიარობის გაუტკივარების, ორსულთა ტოქსიკოზების, სისხლის გადასხმის და სხვა საკითხებს.