გიორგი მიხეილის ძე ნათაძე

დაიბადა ქ. თბილისში. 1921 წელს დაამთავრა კიევის უნივერსიტეტის სამედიცინო ფაკულტეტი. ცნობილი ჰიგიენისტი, მედიცინის მეცნიერებათა დოქტორი, სადისერტაციო შრომა - „К вопросу определения аскорбиновой кислоты в животных тканях“ (1939). კანდიდატის სამეცნიერო ხარისხი მიეკუთვნა დისერტაციის დაუცველად, შრომების მიხედვით „მასალები ვიტამინებისა და ავიტამინოზების შესწავლისათვის“ (1926). პროფესორი, მეცნიერების დამსახურებული მოღვაწე, სსრკ მედიცინის მეცნიერებათა აკადემიის წევრ-კორესპოდენტი, სახელმძღვანელოს ავტორი ზოგად ჰიგიენაში, საქართველოს ჰიგიენისტთა სამეცნიერო საზოგადოების ერთ-ერთი ფუძემდებელი და მისი პირველი თავმჯდომარე.