ილია ტიმოთეს ძე ბერულავა

დაიბადა სოფელ ქოლობანში (აბაშის რაიონი). 1929 წელს დაამთავრა თბილისის უნივერსიტეტის სამედიცინო ფაკულტეტი. მედიცინის მეცნიერებათა დოქტორი, სადისერტაციო შრომა - "პელაგრა და მისი ლიკვიდაცია საქართველოს სსრ-ში" (1967), საკანდიდატო დისერტაცია - "მალარიის მკურნალობა და პროფილაქტიკა ახალი სინთეზური პრეპარატებით" (1939). პროფესორი, სხვადასხვა დროს საქართველოს სსრ ჯანმრთელობის დაცვის სამინისტროს ტროპიკულ სნეულებათა ინსტიტუტის დირექტორის მოადგილე, ამიერკავკასიის სამხედრო ოლქის სანიტარულ-ეპიდემიოლოგიური ლაბორატორიის უფროსი, თბილისის სახელმწიფო სამედიცინო ინსტიტუტის ზოგადი ჰიგიენის კათედრის პროფესორი.