გიორგი ანტონის ძე ბახტაძე

დაიბადა ქ. წულუკიძეში. 1924 წელს დაამთავრა თბილისის უნივერსიტეტის სამედიცინო ფაკულტეტი. ცნობილი ნევროპათოლოგი, პროფ. ს. ყიფშიძის მოწაფე. მედიცინის მეცნიერებათა დოქტორი, სადისერტაციო შრომა - ”ლეიდენ-ვესტფალის მწვავე ატაქსიის პრობლემისათვის” (1939), საკანდიდატო დისერტაცია - ”რეფლექსების მდგომარეობა და მათი დიაგნოზური მნიშვნელობა ნევროზების დროს” (1935). თბილისის სახელმწიფო სამედიცინო ინსტიტუტის სამკურნალო ფაკულტეტის ნერვულ სნეულებათა კათედრის პროფესორი.