ეთერ თოდუა

დაბადების ადგილი: ქ. სამტრედია.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1940 წელს.

უცხო ენათა ინსტიტუტის გერმანული ენისა და ლიტერატურის დაუსწრებელი ფაკულტეტი 1948 წელს.

1940 წელს იყო თბილისის სახელმწიფო სამედიცინო ინსტიტუტის ბიოლოგია–პარაზიტოლოგიის კათედრის ასისტენტი; 1941–1951წწ. თბილისის პირველი საავადმყოფოს ცენტრალური ლაბორატორიის ლაბორანტი; 1957 წელს ექიმი–ორდინატორი; 1951–1957წწ. ქალაქის პირველი საავადმყოფოს პირველი თერაპიული განყოფილების, ექიმი–ორდინატორი; 1957–1969წწ. თერაპიის ინსტიტუტის განყოფილების უფროსი მეცნიერ–თანამშრომელი; 1969 წლიდან საკონსულტაციო პოლიკლინიკის "გულის იშემიური დაავადების" გამგე. ავტორია 50 სამეცნიერო ნაშრომის, თანაავტორებთან ერთად გამოქვეყნებული აქვს მეთოდური წერილი; მის სახელს უკავშირდება, აკად. ნ. ყიფშიძის თანადგომით თერაპიის ინსტიტუტში მიოკარდიუმის ინფარქტით დაავადებულთა რეაბილიტაციის განყოფილების ჩამოყალიბება და ხელმძღვანელობა(1969). კითხულობდა ლექციებს კლინიკურ ფარმაკოლოგიაში და მიჰყავდა პრაქტიკული მეცადინეობები ექიმთა დახელოვნების ინსტიტუტში; ბერლინში, კლინიკა "შარიტე"–ში პროფესორ დუტცის ხელმძღვანელობით შეისწავლა თირკმლის ფუნქციური ბიოფსია, ძვლის ტვინის ფუნქციური ბიოფსია–მედულოგრამა და მათი პრაქტიკული გამოყენება. თერაპევტი, კარდიოლოგი, ნეფროლოგი, ჰემატოლოგი, კლინიკური ფარმაკოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "თირკმლების პარციალური ფუნქციების ცვლილებები დიფუზიური გლომერულონეფრიტების დროს პრედნიზოლონით და ჰიპოთიაზიდით მკურნალობასთან დაკავშირებით", დაიცვა 1967 წელს. 

• შრომის ვეტერანის მედალი
• მედალი "ერთგული შრომისთვის"