მარიამ გრიგალაშვილი

დაბადების ადგილი: ხაშურის რაიონი, სოფელი წრომი.

დაამთავრა თბილისის მეორე სამედიცინო ტექნიკუმი 1936 წელს; თბილისის სახელმწიფო სტომატოლოგიური ინსტიტუტი 1941 წელს.

1941–1943წწ. მუშაობდა ჭიათურის პოლიკლინიკაში ექიმ–სტომატოლოგად; 1943 წლიდან მსახურობდა 2019–ე სპეციალიზებულ საველე ევაკოჰოსპიტალში ყბა–სახის ქირურგად ვოლხოვის, ლენინგრადის, ბალტიისპირეთისა და ბელორუსიის ფრონტებზე; 1946–1947წწ. დემობილიზაციის შემდეგ მუშაობდა თბილისის სტომატოლოგიურ საავადმყოფოში ექიმ–ორდინატორად, ქირურგად; 1947–1951წწ. სწავლას აგრძელებს თბილისის სახელმწიფო სამედიცინო ინსტიტუტის ქირურგიული სტომატოლოგიის კათედრის ასპირანტურაში, არის რესპუბლიკური სტომატოლოგიური საავადმყოფოს ექიმი–ორდინატორი, ქირურგიული სტომატოლოგიის კათედრის გამგე; 1953–1985წწ. იყო სტომატოლოგიური ფაკულტეტის დეკანი; 1962 წლიდან იყო  თბილისის სახელმწიფო სამედიცინო ინსტიტუტის სტომატოლოგიური ფაკულტეტის ქირურგიული სტომატოლოგიის კათედრის ასისტენტი, 1970 წლიდან დოცენტი. 1979 წელს დაინიშნა ბავშვთა ასაკის სტომატოლოგიის კათედრის გამგეთ; 1984 წლის 30 მარტს თბილისის სახელმწიფო სამედიცინო ინსტიტუტის საბჭოს სხდომაზე როგორც გამონაკლისს, მიენიჭა პროფესორის წოდება. არის ექიმი–ქირურგი–სტომატოლოგი, პროფესორი.

საკანდიდატო დისერტაციის თემა - "კბილებისა და ყბების ძვლების სტრუქტურის მდგომარეობა სხივური ზემოქმედების პირობებში", დაიცვა 1967 წელს.

• მედალი, "საბრძოლო დამსახურებისათვის, დიდ სამამულო ომში გამარჯვებისათვის"
• მედალი, "შრომითი მამაცობისათვის"
• წითელი ვარსკვლავის ორდენი
• სამამულო ომის II ხარისხის ორდენი
• ღირსების ორდენი

• კბილებისა და ყბების ძვლების სტრუქტურის მდგომარეობა სხივური ენერგიის ზემოქმედების პირობებში (ავტორი). - თბილისი, საბჭოთა საქართველო, 1966. - 57 გვ.