ივანე გრიგოლის ძე სემერჯიევი

  დაიბადა ქ. ბათუმში. 1914 წელს დაამთავრა ნოვოროსიის (ოდესის) უნივერსიტეტის სამედიცინო ფაკულტეტი. აფხაზეთის ასსრ ჯანმრთელობის დაცვის პირველი სახალხო კომისარი (1921-1928).

  გაასამართლეს, ბრალად ედებაოდა: რომ იყო „ლაკობას ხელმძღვანელობის ქვეშ არსებული“ კ/რ ტროცკისტული ორგანიზაციის წევრი, მჭიდრო კავშირი ჰქონდა კ/რ ნესტორ ლაკობასთან, საქართველოს პარტიული ხელმძღვანელების დისკრედიტაციის მიზნით ავრცელებდა კ/რ პროვოკაციულ მონაჭორებს, ეწეოდა კ/რ აგიტაციას, კერძოდ, აცხადებდა, რომ ,,ნესტორ ლაკობა არ მომკვდარა თავისი სიკვდილით. კ/რ მოწმეების, მ. ლაკობას, მ. შლატერის, ა. ხოშტარიას, ლ. თარბას და ი. გაბაშვილის ჩვენებებით მხილებულ იქნა, როგორც კ/რ „ლაკობას ორგანიზაციის“ წევრი. ანჩაბაძის, ნიკურაძის, ვარალოვის, ხასაიას, თენეიშვილის, ბენდელიანის ჩვენებებით დადასტურდა სემერჯიევის მიერ საქართველოს პარტიული ხელმძღვანელობის დისკრედიტაცია. ბრალდებულმა აღიარა, რომ იღებდა კ/რ ნესტორ ლაკობას მავნებლურ დავალებებს და ასრულებდა მათ, აგრეთვე ცდილობდა საქართველოს პარტიული ხელმძღვანელობის დისკრედიტაციას. სასჯელის ზომა: დახვრეტა, პირადი ქონების კონფისკაცია, სხდომის თარიღი: 11/13/1937, დახვრეტის თარიღი: 11/16/1937.