ივანე ვასილის ძე ხმალაძე

    ივანე ხმალაძის დაბადების თარიღი უცნობია.

    ივანე გახლდათ რევოლუციონერი, ბორჯომის რაიონის სოციალ-დემოკრატიული მებრძოლი ორგანიზაციის ერთ-ერთი სულისჩამდგმელი, მეფის მთავრობისგან მუდამ დევნას განიცდიდა. მის ოჯახში თავს აფარებდნენ ცნობილი რევოლუციონერები, რის გამოც მის ოჯახს ხშირად აფორიაქებდნენ. სამწერლო ასპარეზზე სტალინის წაქეზებით გამოვიდა და 1900-იან წლებში გაზეთ "ახალ ცხოვრებაში" პუბლიკაციებს აქვეყნებდა.

    1909 წლიდან ივანე ხმალაძე გახლდათ "ქართველთა შორის წერა-კითხვის გამავრცელებელი საზოგადოების" ახალციხის განყოფილების წევრი, ხოლო  1920 წლიდან საზოგადოების ბორჯომის განყოფილების ნამდვილი წევრი.

   ივანე ხმალაძე იყო მესხეთ-ჯავახეთის სახალხო გვარდიის საოლქო შტაბის თავმჯდომარე.

   ივანე ხმალაძე გარდაიცვალა 1947 წელს.

• ქართველთა შორის წერა-კითხვის გამავრცელებელი საზოგადოება, საზოგადოების ახალციხის განყოფილების წევრი (1909-)
• ქართველთა შორის წერა-კითხვის გამავრცელებელი საზოგადოება, საზოგადოების ბორჯომის განყოფილების ნამდვილი წევრი (1920-)