ნიკოლოზ ნიკოლოზის ძე ჯავახიშვილი

    დაიბადა ქ. გორში. მოსკოვისა და კიევის უნივერსიტეტების სამედიცინო ფაკულტეტის აღზრდილი (დაამთავრა 1908 წელს). ფსიქიატრი. საქართველოს ბუნებისმეტყველთა და ექიმთა საზოგადოების მდივანი. სხვადასხვა დროს მუშაობდა კიევის უნივერსიტეტის ფსიქონევროლოგიურ კლინიკაში ორდინატორად, თბილისის ჰოსპიტალში, მიხეილის საავადმყოფოში - ფსიქიატრიული განყოფილების გამგედ. 1918 წელს მიხეილის საავადმყოფოში გახსნა ნევროპათოლოგიური განყოფილება 25 საწოლზე. ჰქონდა შრომები თავის ტვინის სიმსივნეების შესახებ.

• საქართველოს ბუნებისმეტყველთა და ექიმთა საზოგადოება, საზოგადოების მდივანი
• ქართველთა შორის წერა-კითხვის გამავრცელებელი საზოგადოება, საზოგადოების წევრი (1914-)