ირაკლი ლუკას ძე ბაქრაძე

    ერეკლე ბაქრაძე დაიბადა 1863 წელს საგარეჯოს რაიონის სოფელ ხაშმში. დაამთავრა თბილისის საოსტატო სემინარია.

    1898 წლიდან მსახურობდა ჯერ ყარსში და იყო „წერა-კითხვის გამავრცელებელი საზოგადოების“ ყარსის განყოფილების აგენტი, ხოლო შემდეგ საქალაქო სკოლის ზედამხედველად არტაანში და ყოველ საზოგადოებრივ-კულტურულ საქმიანობას მეთაურობდა.

    ერეკლე ბაქრაძე ცნობილი იყო, როგორც შესანიშნავი პედაგოგი და აღმზრდელი. უმთავრესად წერდა ბავშვებისთვის და თანამშრომლობდა ჟურნალ „ჯეჯილში“.

    ერეკლე ბაქრაძე გარდაიცვალა 1916 წლის 28 აპრილს.

• ქართველთა შორის წერა-კითხვის გამავრცელებელი საზოგადოება, ყარსის განყოფილების დამხმარე წევრი (1900-)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1892-1900)

• "ქართველ მოღვაწეთა ლექსიკონი" : იოსებ იმედაშვილი. - თბილისი, ეროვნული ბიბლიოთეკის გამომცემლობა, 2018. - გვ. 327