ვასილ გიორგის ძე აბდუშელიშვილი

    ვასილ აბდუშელიშვილი დაიბადა 1887 წლის 30 აპრილს თელავის მაზრის სოფელ შალაურში.

    1913 წელს დაამთავრა იურიევის (ტარტუ) უნივერსიტეტის ფიზიკა-მათემატიკის ფაკულტეტი და სამშობლოში დაბრუნდა. ამავე წლიდან მათემატიკის მასწავლებლად მუშაობდა თბილისის ქართულ სათავადაზნაურო გიმნაზიაში.

    სხვადასხვა დროს იგი პედაგოგად მუშაობდა ქიმიის ტექნიკუმში, I ათწლიან სკოლაში, I საცდელ-საჩვენებელ, მე-14 და მე-18 საშუალო სკოლებში. გამოქვეყნებული აქვს სტატიები მათემატიკის სწავლების საკითხებზე.

    ვასილ აბდუშელიშვილი გარდაიცვალა 1948 წლის 15 იანვარს თბილისში.

• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების წევრი (1917-)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1914-)

• 1939 - საქართველოს დამსახურებული პედაგოგი