ეთერი თევდორეს ასული რაზიკაშვილი

   ეთერ რაზიკაშვილი დაიბადა1898 წელს გორის მაზრის სოფელ ხელთუბანში თედო რაზიკაშვილისა და თინათინ იშხანაშვილის ოჯახში.

   ეთერ რაზიკაშვილი პროფესიით ფილოლოგი გახლდათ და 41 წლის განმავლობაში თბილისის რკინიგზის მე-15 საბავშვო ბაღის გამგედ მუშაობდა.

   ეთერ რაზიკაშვილი მთარგმნელობით მუშაობასაც ეწეოდა და ძირითადად რუსულენოვან მხატვრულ ლიტერატურას თარგმნიდა. რაზიკაშვილების დიდი ოჯახის შესახებ დაწერილი აქვს მოგონებები: " ცოტა რამ მამაჩემ-ბიძაჩემებზე" და "პოეტების ოჯახში".

   1917 წლიდან ეთერ რაზიკაშვილი გახლდათ "ქართველთა შორის წერა-კითხვის გამავრცელებელი საზოგადოების" ნამდვილი წევრი.

   ეთერ რაზიკაშვილის მეუღლე გახლდათ შალვა ჭანკვეტაძე, რომელიც ადრე გარდაიცვალა და მათ შთამომავლობა არ დარჩენიათ.

   ეთერ რაზიკაშვილი გარდაიცვალა 1985 წელს და დაკრძალულია თბილისში, დიღმის სასაფლაოზე.

• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1917-)

• კულტურის დამსახურებული მუშაკი
• რესპუბლიკის დამსახურებული მასწავლებელი

• "წერილები თედო რაზიკაშვილის არქივიდან" : შემდგენელი მანანა სამაშვილი. - თბილისი, საქართველოს პარლამენტის ეროვნული ბიბლიოთეკა, 2015. - გვ. 269