
	English Georgian

Correction

ვასილ ივანეს ძე თევდორაშვილი

Legal name:	ვასილ ივანეს ძე ჯანიაშვილი
Date of birth:	5 February, 1869 (155 years)
Category:	Worker, Entertainer

Biography

ვასილ თევდორაშვილი დაიბადა 1869 წლის 5 თებერვალს სიღნაღის მაზრის სოფელ ანაგაში გლეხის ოჯახში.

ვასილ თევდორაშვილმა თბილისში, კუკიის, ეკატერინე ასათიანის პირველდაწყებითი სასწავლებელი დაამთავრა და თბილისის სახელოსნებო სკოლაში ჩააბარა, საიდანაც ზეინკლის ჩინით გამოვიდა. 1893 წლიდან თბილისის რკინიგზის მთავარ სახელოსნოში მუშაობდა.

1889-1890 წლებიდან უბნურ წარმოდგენებში მონაწილეობდა, ხოლო 1893 წელს, სხვა თანატოლ ხელოსან-სცენის მოყვარეებთან (იოსებ იმედაშვილი, გიორგი ჯაბაური, დავით შველიძე, ის. ძნელაძე, ამირან ნიკოგოსოვი, მ. თუშმალიშვილი) ერთად, თბილისში საფუძველი ჩაუყარა მუშათა თეატრს, ე.წ. „ავჭალის აუდიტორიას“. იგი გახლდათ ხელოსანთა ამხანაგობის წრის პირველი თავჯდომარე.

1900-იანი წლებიდან რევოლუციურ მოძრაობაში ჩაება. მის სახლში ცხოვრობდნენ განთქმული პოლიტტერორისტები და მათ პოლიტიკურ-რევოლუციურ მუშაობას ყოველნაირად ხელს უწყობდა.

1910 წელს მისი სახლის ქვედა სართულში მოთავსებული იყო რ.ს.დ.მ. პარტიის არალეგალურ გამოცემათა სტამბა და იარაღის საწყობი.

1910 წელს, პოლიტიკურ საქმეში მონაწილეობისათვის, მეფის მთავრობამ დააპატიმრა და მეტეხის ციხეში ჩასვა, ხოლო 8 თვის შემდეგ, 5 წლით, დონის როსტოვში გადაასახლა, საიდანაც დაბრუნებულს, როგორც არაკეთილსაიმედოს, რკინიგზაში სამსახურის ნება აღარ მისცეს და რევოლუციის შემდეგ კვლავ კულტურულ-პარტიულ მუშაობაში ჩაება.

ვასილ თევდორაშვილის გარდაცვალების თარიღი უცნობია.

Member of Organizations

სცენის მოყვარე ხელოსანთა ამხანაგობის წრე , პირველი თავჯდომარე
ქართველთა შორის წერა-კითხვის გამავრცელებელი საზოგადოება, საზოგადოების სამურზაყანოს განყოფილების წევრი (1917-)

Bibliography

"ქართველ მოღვაწეთა ლექსიკონი" : იოსებ იმედაშვილი // II ტომი. - თბილისი, ეროვნული ბიბლიოთეკის გამომცემლობა, 2021