The National Library of Georgia Home - About Library - E-Resources 
  Login
Georgian -
HomeCategories  
Search
Person Name:



გიორგი მახარობლის ძე სიხარულიძე

გიორგი მახარობლის ძე სიხარულიძე
Legal name:გიორგი მახარობელის ძე სიხარულიძე
Date of birth:18??
Date of death:1924
Category:Businessmen, Public Figure

Biography

   გიორგი  სიხარულიძე დაიბადა ჩოხატაურის მაზრის სოფელ კოხნარში 1880-იან წლებში, დაბადების ზუსტი თარიღი უცნობია.  უმაღლესი განათლება მიღებული ჰქონდა გერმანიაში და თანამშრომლობდა გერმანულ ბანკებთან.

   გიორგი სიხარულიძე ოჯახთან და ძმასთან ერთად სამტრედიაში ცხოვრობდა და ეწეოდა ბიზნეს და საზოგადოებრივ საქმიანობას.

  1907 წლიდან გიორგი სიხარულიძე გახლდათ „ქართველთა შორის წერა-კითხვის გამავრცელებელი საზოგადოების“ წევრი და საზოგადოებას ფინანსურ დახმარებასაც უწევდა.

   1909 წელს გიორგი სიხარულიძემ თხოვნა გაუგზავნა „წერა-კითხვის საზოგადოების“ მთავარ გამგეობას სამტრედიაში განყოფილების გახსნის თაობაზე. თხოვნა დაკმაყოფილებული იქნა 1910 წელს, გიორგი სიხარულიძე ახლად გახსნილი სამტრედიის განყოფილების თავმჯდომარედ აირჩიეს და ამ მოვალეობას იგი 1915 წლამდე ასრულებდა. ამ პერიოდისთვის „წერა-კითხვის საზოგადოებას“ დიდ ჯიხაიშში, საჭილაოში, მუხიანსა და კულაშში სამკითხველოები ჰქონდა გახსნილი.

   1912 წელს, გიორგი სიხარულიძე განყოფილების თავმჯდომარეობის პარალელურად, საზოგადოების სამტრედიიის განყოფილების გამგეობის თავმჯდომარედაც იქნა არჩეული.

   გიორგი სიხარულიძე ფინანსურ დახმარებას უწევდა საქართველოს დამოუკიდებელი რესპუბლიკის არმიას და ოკუპაციის შემდეგ აჯანყებულებს იარაღის შეძენაში ეხმარებოდა. იარაღი შემოჰქონდა გერმანიიდან, რისთვისაც 1924 წელს ბოლშევიკებმა ნადირობისას მოკლეს. იგი დაკრძალეს სამტრედიაში საკუთარ კარმიდამოში (დღევანდელი საავადმყოფოს ტერიტორია).

    გიორგის მეუღლე გახლდათ ანეტა ონისიმეს ასული მამაგეიშვილი და ჰყავდათ ორი შვილი: გოგი და თორნიკე სიხარულიძეები. მეუღლის სიკვდილის შემდეგ, ანეტა რამდენიმე  წელი, შვილებთან ერთად,   სამტრედიაში დარჩა.  თუმცა  ბოლოს ბოლშევიკულმა რეჟიმმა ჩამოართვა სახლი, მამულები,  ოჯახის მთლიანი ქონება   და შვილებთან  ერთად თბილისში გადმოასახლეს, ჯანაშიას ქუჩაზე ნახევარსარდაფში. გიორგის ცოლ-შვილმა, როგორც "ხალხის მტრის" ოჯახმა, ყველანაირი კავშირი გაწყვიტა ნათესავებთან,  სამტრედიასთან და  გურიასთან  და ცხოვრება თბილისში გააგრძელა.

Member of Organizations

  • ქართველთა შორის წერა-კითხვის გამავრცელებელი საზოგადოება, საზოგადოების სამტრედიის განყოფილების მუდმივი წევრი (1916-)
  • ქართველთა შორის წერა-კითხვის გამავრცელებელი საზოგადოება, საზოგადოების სამტრედიის განყოფილების თავმჯდომარე (1909-1915)
  • ქართველთა შორის წერა-კითხვის გამავრცელებელი საზოგადოება, საზოგადოების წევრი (1907-)

Share: