სოლომონ იოსების ძე აბდუშელიშვილი

    სოლომონ აბდუშელიშვილი დაიბადა 1853 წელს სოფელ ბჟინევში. პირველდაწყებითი სწავლა-განათლება ქუთაისის გიმნაზიაი მიიღო და სწავლა განაგრძო პეტერბურგის წმინდა მიხაილის სახელობის სამხედრო სასწავლებელში.

    სოლომონ აბდუშელიშვილი როტმისტრის ჩინით მსახურობდა ვოლონსკის მე-17 დრაგუნთა პოლკში. 1877-1878 წლებში მონაწილეობდა რუსეთ-თურქეთის ომში და 1892-1900 წლებში იყო ბათუმის ცხენოსანთა პოლიციის ასეულის მეთაური.

    სოლომონ აბდუშელიშვილი 1895-1900 წლებში იყო ქუთაისის გუბერნიის თავად-აზნაურთა საკრებულოს წევრი. 1897 წლიდან გახლდათ  „ქართველთა შორის წერა-კითხვის გამავრცელებელი საზოგადოების“ ნამდვილი წევრი და მონაწილეობდა საზოგადოების საქმიანობაში.

   სოლომონ აბდუშელიშვილის გარდაცვალების თარიღი უცნობია. მან სიცოცხლე დაასრულა ქუთაისის მიუსაფართა თავშესაფარში და დაკრძალულია უპატრონოთა და მიუსაფართა სასაფლაოზე. საფლავი უცნობია.

• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1897-1898)

• წმ. ვლადიმირის მე4 ხარისხის ორდენი
• წმ. სტანისლავის მე-2 ხარისხის ორდენი
• წმ. ანას მე-3 ხარისხის ორდენი
• წმ. სტანისლავის მე-3 ხარისხის ორდენი ხმლითა და ბაბთით