დასახლებათა (დასახლებულ პუნქტთა) ტიპოლოგია

დასახლებათა ჯგუფი, რომლებიც გამოყოფილია ერთი ან რამდენიმე არსებითი ნიშნის ერთობლიობის საფუძველზე. დასახლებათა ტიპოლოგიის ერთ-ერთი ყველაზე მთავარი ნიშანია თითოეული დასახლების სამეურნეო მნიშვნელობა. სხვა მნიშვნელოვანი ნიშნებია: დასახლების ხალხმრავლობა, მისი ეკონომიკურ-გეოგრაფიული მდებარეობა, განვითარების ისტორიული თავისებურებები და სხვა. დასახლებათა ორი ძირითადი ტიპი – საქალაქო და სასოფლო, როგორც წესი, არსებითად განსხვავდება ერთმანეთისაგან ფუნქციის სტრუქტურისა და ხალხმრავლობის მიხედვით.