დაბადების რიგითობა

დაბადების დახასიათება, რომელიც მიუთითებს, თუ რიგით მერამდენე შვილი გაუჩნდა დედას. დაბადების რიგითობას განასხვავებენ ქალის მიერ ყველა მშობიარობის დროს ან მხოლოდ მოცემულ ქორწინებაში ან კიდევ ცოლ-ქმრული ცხოვრების მთელი დროის მანძილზე გაჩენილი ბავშვების მიხედვით.

დემოგრაფიული ანალიზისას დაბადების რიგითობა განიხილება ყველა დაბადების ერთობლიობის მიმართ რეალურ ან ჰიპოთეზურ კოჰორტაში ქალის დაბადების წილის ან საქორწინო კოჰორტის მიხედვით.

დაბადების რიგითობა აღირიცხება დაბადების აქტის ჩაწერისას პირდაპირ დასმულ კითხვაზე პასუხით – „რიგით მერამდენე ბავშვია დედისათვის ახლად დაბადებულთა ჩათვლით (გარდაცვალებულ ბავშვთა ჩათვლით და მკვდრად დაბადებულ ბავშვთა ჩაუთვლელად)“. პასუხით დაბადების რიგითობა მიიღება აგრეთვე მოსახლეობის აღწერების, ანამნეზური და სოციოლოგიურ-დემოგრაფიული გამოკვლევებისას.