შედარებით ჩვილთა მაღალი მოკვდაობისას ასაკის ზრდასთან ერთად (0-დან 1 წლამდე) მოსალოდნელი სიცოცხლის საშუალო ხანგრძლივობის ზრდა. ბავშვთა მოკვდაობის პარადოქსი გამოწვეულია იმით, რომ ერთ წლამდე ასაკში გარდაცვლილთა მნიშვნელოვანი რაოდენობა საგრძნობლად ამცირებს მოკვდაობის ცხრილის მიხედვით გამოთვლილ გარდაცვლილთა საშუალო ასაკს. 10 %-ზე ნაკლები ჩვილთა მოკვდაობისას ბავშვთა მოკვდაობის პარადოქსი პრაქტიკულად არ შეიმჩნევა. ტერმინ „ბავშვთა მოკვდაობის პარადოქსი“-ის ნაცვლად უფრო მიზანშეწონილია ტერმინი „ახალდაბადებულთა მოსალოდნელი სიცოცხლის საშუალო ხანგრძლივობის პარადოქსი“.
მაგ., საქართველოში 2002 წელს ახალდაბადებულთა მოსალოდნელი სიცოცხლის საშუალო ხანგრძლივობა 71,54 წელი იყო, ხოლო 1 წლის ასაკისათვის - 72,18 წელი.