ღვარცოფსაწინააღმდეგო ღონისძიებანი

ღვარცოფებთან ბრძოლა სხვადასხვა სახალხო მეურნეობის ობიექტების დაცვის მიზნით, რომელიც უმეტესწილად ხორციელდება კომპლექსურად: სამეურნეო - ორგანიზაციული, სატყეო - მელიორაციული, აგროტექნიკური და საინჟინრო - ჰიდროტექნიკური ღონისძიებებით. პირველს - სამეურნეო - ორგანიზაციულს ეკუთვნის ფერდობის ნაკადის რეგულაცია და ღვარცოფნაკადის გამაფრთხილებელი სამსახური; მეორეს - ფერდობის გატყიანება, ტყის გაშენება მდინარის კალაპოტების გასწვრივ და გამოტანის კონუსებზე; მესამეს - საინჟინრო - ჰიდროტექნიკურს ახორციელებენ ღვარცოფების აუზის კალაპოტებში. მათი გამაგრებისა და სტაბილიზაციის მიზნით. მათ მიეკუთვნება ღვარცოფდამჭერი, ღვარცოფგამშვები, ღვარცოფმიმმართველი, ნაპირსამაგრი, ღვარცოფჩამშვები, გვირაბების გაყვანა ღვარცოფების „მკვდარ“ ნაკადებში და სხვა.