ყვა-ყვაობა (ქიზიყ.)

თამაში; ერთ ხელს მოჰკიდებენ, მეორე ხელის ზურგზე და თითებით ასწევენ (ასე შეიძლება ერთმანეთის ხელი დაიჭიროს ორმა, სამმა ბავშვმა.) ამრიგად გადაბმულ ხელებს ამოძრავებენ ზევით-ქვევით და ამბობენ:"ყვაა, ყვაა, ყვასალია, ყვავსა დედა მოკვდომია, წასულა და უტირნია, მოსულა და უმღერნია, ფრრრი!" ამის შემდეგ ხელებს გაუშვებენ და ზევით აიშვერენ, თითქოს ყვავები გაფრინდნენ.