ბინადრობის ცენზი

ეხება მხოლოდ პასიური საარჩევნო უფლების განხორციელებას. მისი დაწესებით საარჩევნო კოდექსი მოითხოვს, პირის გარკვეული ვადით ცხოვრებას ქვეყანაში, ან რომელიმე ტერიტორიულ საარჩევნო ერთეულში. კოდექსი სხვადასხვა არჩევნებისთვის ბინადრობის სხვადასხვა ცენზებს აწესებს. საქართველოს პრეზიდენტად შეიძლება აირჩეს საქართველოს მხოლოდ ის მოქალაქე, რომელსაც საქართველოში უცხოვრია 15 წელი მაინც და არჩევნების დანიშვნის დღეს ცხოვრობს საქართველოში. პრეზიდენტობის კანდიდატი არ შეიძლება იყოს მოქალაქე, რომელსაც უკანასკნელი ორი წლის განმავლობაში არ უცხოვრია საქართველოში და არც ერთ ქვეყანაში არ დგას საქართველოს საკონსულო აღიცხვაზე. „პარლამენტის წევრად შეიძლება აირჩეს საქართველოს მხოლოდ ის მოქალაქე, რომელსაც საქართველოში მუდმივად უცხოვრია არანაკლებ 10 წელი. უკანასკნელი ორი წლის განმავლობაში არ უცხოვრია საქართველოში და არც ერთ ქვეყანაში არ დგას საქართველოს საკონსულო აღრიცვხაზე“. ადგილობრივი თვითმმართველობის ორგანოებში შეიძლება აირჩეს საქართველოს მოქალაქე, რომელსაც საქართველოში მუდმივად უცხოვრია 5 წელი მაინც და რეგისტიტებულია შესაბამისი საკრებულოს ტერიტორიაზე.