მიზანია სტიმული მისცეს ტრანს-ევროპულ თანამშრომლობას ტრანსპორტის დარგში. აღნიშნული თანამშრომლობა ეფუძნება ურთიერთინტერესს და მიმართულია ეროვნული სატრანსპორტო ქსელების და ბაზრების თანმიმდევრული ინტეგრაციისკენ ევროკავშირისა და სხვა საერთაშორისო სამართლებრივ და მარეგულირებელ სისტემებთან თავსებადობის პირობით. ,,ბაქოს ინიციატივა” TRACECA-ს დამხმარე პროცესია და მოწოდებულია ხელი შეუწყოს ევროკავშირსა და შავი/კასპიის ზღვისპირა ქვეყნებსა და მათ მეზობლებს შორის თანამშრომლობას. მნიშვნელოვანია, რომ ,,ბაქოს ინიციატივა” განსაკუთრებულ აქცენტს აკეთებს ევროკავშირის პრიორიტეტების თანმიმდევრულ დაცვაზე სამეზობლო პოლიტიკის კონტექსტში.
Source: ევროკავშირის სამეზობლო პოლიტიკა და საქართველო: დამოუკიდებელ ექსპერტთა ანალიზი: [პუბლიკაცია / ფრიდრიხ ებერტის ფონდის წარმომადგენლობა საქ-ში, ფონდი „ღია საზოგადოება-საქართველო“, ფონდის „ქორდეიდი“ წარმომადგენლობა საქ-ში] - თბ., 2007