ბარულა სხვადასხვა მნიშვნელობით იხმარება და ფიქსირებულიაც არის ლექსიკონებში. საბას განმარტებით ბარულა სათხრელია. ამ ახსნას „განმარტებითი ლექსიკონი“ უმატებს: ბოსტნეულის საოშავი ხის იარაღი (ალგეთის ხეობაში).
თვალადური მეტყველების საფუძველზე შესაძლებელია ამ სიტყვის მნიშვნელობის დაკონკრეტება და შევსება:
1. ბოსტნეულის საჩიჩქნი, პატარა, წვეტიანი იარაღი. არის ხისაც და რკინის წვერიანიც.
2. პატარა ბარი, ამ შემთხვევაში „ბარულა“ ბარის კნინობითია, ისე, როგორც „თუნგულა“ თუნგისა.
გარდა ამისა, ბარულა იხმარება სხვა მნიშვნელობითაც: ნიშნავს ქორფა, აკვანში ჩაკრული ბავშვის შესახვევს: „ბარულები რო შევხსენით, ბიჭმა პაპას ამააფსა და მაშინღა დაიჯერა, რო ბიჭი იყო“.
to main page | Top 10 • Feedback • Login | top of page |
© 2008 David A. Mchedlishvili | XHTML | CSS | Powered by Glossword 1.8.9 |