მებოლოვე, ტივის მებოლოვე

ტივს ორი ორთაყვირი აქვს და ორი მეორთაყვირე ჰყავს. უკანას, ამ ლექსით, „მებოლოვე“ ჰქვია. წინას, ალბათ „მეწინავე“. ტივს მიმართულებას მეწინავე აძლევს.

მეტივური ტერმინების დადგენისათვის საინტერესო უნდა იყოს „ხელის მკვრელი“, რაც გვხვდება თ. ოქროშაძის მიერ გამოქვეყნებულ ერთ ხალხურ ლექსში:

ქარელში ტივი ავუშვი,
იქვე მოიღერა ყელი,
საყორნიას მივიტანე,
ფინთათ შემიცვალა ფერი,
ორივე წყალში დამეხრჩო,
მებოლოე, ხელის მკვრელი.