მოძღვრის პასუხისმგებლობა

მრევლის საღმრთისმეტყველო ცოდნის საერთო დონე ეკლესიის მწყემსისთვის საკმარისად არ შეიძლება ჩაითვალოს. იგი სარწმუნოებრივი მოძღვრებით სრულად აღჭურვილი უნდა იყოს. „ეკრძალე თავსა შენსა და მოძღურებითა მით დაადგერ მათ ზედა, რამეთუ, ამას რაჲ ჰყოფდე, თავიცა შენი აცხოვნო და მორჩილნიცა შენნი“ (1 ტიმ. 4,16), – წერს პავლე მოციქული ტიმოთეს. სამღვდელოებას სწორი მართლმადიდებლური სარწმუნოებრივი სწავლებისთვის განსაკუთრებული პასუხისმგებლობა ეკისრება. მთავარი მიზანი, რისთვისაც უფალმა მოციქულები სოფლად წარგზავნა, ხალხების სწავლება იყო: „წარვედით და მოიმოწაფენით ყოველნი წარმართნი“ (მთ. 28,19).