დიალექტიკა

კაპადოკიელი წმ. მამები ღმრთისმეტყველების სფეროში დიალექტიკისა და ლოგიკის გამოყენების შესაძლებლობას უკიდურესი სიფრთხილითა და კორექტულობით ეკიდებოდნენ: ერთი მხრივ, ისინი ღმრთისმეტყველთათვის ლოგიკური მეთოდებით მეტისმეტად გატაცების დიდ საშიშროებაზე ყოველთვის მიუთითებდნენ (ამის მაგალითს ევნომიოსისა და მისი მიმდევრების ე. წ. „ტექნოლოგია“, ანუ ოსტატური სოფისტიკა, წარმოადგენდა), მეორე მხრივ, თვითონაც იყვნენ რა ფრიად დახელოვნებული დიალექტიკოსები, საღმრთისმეტყველო მსჯელობისას „სილოგიზმთა“ სასარგებლო, მაგრამ წმინდა „დამხმარე“ როლზე მიუთითებდნენ (ა. სიდოროვი).