ვერდერევსკი ევგენი ალექსანდრეს ძე

რუსი მწერალი (XIX ს). ლიტ. მოღვაწეობა დაიწყო 1820. მუშაობდა გაზ. „კავკაზში“. ვ-ის რედაქციით თბილისში 1855 გამოდიოდა ალმანახი „ზურნა“ (გამოცემა მალე შეწყდა). ძირითად ნაშრომში „ამიერკავკასიისა და უპირატესად თბილისის ქრისტიანული მოსახლეობის სახალხო დღესასწაულებისა და სადღესასწაულო წეს-ჩვეულებების შესახებ“ ვ. აღწერს სახ. დღესასწაულებს და ზეიმებს თბილისში − აღდგომას, შობას, მაისობას და ა. შ., ახალი წლის შეხვედრას: „31 დეკემბერს ღამით და 1 იანვ. დილით თბილისში ისმოდა განუწყვეტელი სროლა მტერზე ან ავსულებზე გამარჯვების ნიშნად, რაც ჩამოსულთა გაკვირვებას იწვევდა“.