ყარაჩოღელებს ეს „გამარჯობა - გაგიმარჯოს“ შებრუნებული აქვთ. იგი ხშირად ასწრებს იმ კაცს, რომელმაც გამარჯობა არ უთხრა და თითონ ირონიით ეუბნება „გაგიმარჯოს“. ერთს ყარაჩოღელს სირაჯის დუქანიც ჰქონდა, რომლის ფირნიშზეც ეწერა: დუქანი სერგო ყაითმაზაშვილისა „გაგიმარჯოს!“ ოლივერ უორდროპი თავის მოგზაურობის დროს სიყვარულით იგონებს ამ ორ სიტყვას და ამბობს: „ეს ქართველური სალამი „გამარჯობა-გაგიმარჯოს“ თითქმის იმდენსავე ეუბნება ადამიანს, რის თქმაც შეუძლიან თორმეტ ტომს ისტორიულის თხზულებისას“ („ივ.“, 1888 წ., N 276).
Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.