- საშუვალად არსთა და ქმნადთა, რაოდენნი ოდესმე საუკუნოჲსა და ოდესმე ჟამისა მიმღებელ არიან (არეოპ., საღმრ., ეფრ., 10.3); ნამდჳლვე ამის არსისაგან არიან საუკუნენი და არსებაჲ და ყოფაჲ და ჟამი და ქმნაჲ და ქმნადნი, არსთა შორის არსნი და ესრეთ ვითამე მყოფთა შორის მყოფნი (არეოპ., საღმრ., ეფრ., 5.4); ქმნადთაგანნი რომელნიმე ჩუენ შორის არიან და რომელნიმე – არა ჩუენ შორის (დამასკ., გარდ., 137, ეფრ.); – γενησόμενος – [კაცი]... რასაცა იქმს, წინამდებარისა ნივთისაგან იქმს, არა მნებებელი ხოლო, არამედ წინაგანმგონებელიცა და გონებასა შინა დამსახველი ქმნადისაჲ (დამასკ., გარდ., 48, ეფრ.); – τὸ γενετόν – თუ რაჲთავე ქმნადი არს ყოველი სული, მებრ მოქმედებით იყოს ვიდრემე უპირატეს ქმნადთა, რამეთუ ყოვლითურთ ქმნადი უშორიელეს [არს] საუკუნითთაგან (პრ., კავშ., პეტრ., 192; 115.10-12); – γινόμενον – ქმნადობის პროცესში მყოფი – თუ სხუა [არს] იყოჲ და სხუა – იყოსი, ქმნადი ვინაჲვე იყოს და არ-ოდეს მყოფი, ხოლო, თუ ჟამსა თანა ემავალოს, რომლისა მიერცა განიზომა, იყოს ქმნასა შორის და არ წამოდგეს თვითებასა შორის თჳსსა, არამედ სამარადისოდ მიიღებდეს თჳსისა აობისა სხუადასხუაობასა (პრ., კავშ., პეტრ., 50; 34.21-24); ქმნადი, რომელი იქმნების, არა არს (პრ., კავშ., პეტრ., 50; 34.27-28); ქმნადთაცა (τοῖς γενετοῖς) აქუს რაოდენმე ზიარებაჲ მყოფისაჲ, ვითარ და რაოდენვე არს იგი არა-მყოფ; ხოლო თუ არა არს ქმნადი, არ-ოდეს მყოფ, იყოს ოდენ ვითარ მყოფ. მაგრა საუკუნოობაჲ არა არს ქმნადისათჳს (τοῖς γενετοῖς), და უფროჲს-ხოლო, რომელსა მებრ-ჟამითა ჰქონდის ყოვლობაჲ (პრ., კავშ., პეტრ., 87; 55.11-15); თუ საუკუნო არს და მიუდრეკ ყოველი, უცვალებელთად არს არსებით მიზეზ და სამარადისოთა გუამოვნებათად და არა ქმნადთა და ხრწნადთად (პრ., კავშ., პეტრ., 178; 107.22-24)
Source: ძველქართულ-ძველბერძნული ფილოსოფიურ-თეოლოგიური ტერმინოლოგიის დოკუმენტირებული ლექსიკონი = Old georgian-greek documented dictionary of philosophical-theological terminology: (მასალები) / [ქართველოლ., ჰუმანიტ. და სოც. მეცნ. ფონდი რუსთაველის ფონდი; პროექტის ავტ. და სამეცნ. ხელმძღვ. დამანა მელიქიშვილი; პ/მგ რედ. ანა ხარანაული, ბერძნ. ტექსტის რედ.: ლევან გიგინეიშვილი, ვიქტორია ჯუღელი]. - I-ლი გამოც.. - თბ.: ბაკურ სულაკაურის გამ-ბა, 2010. - 29სმ.
to main page 
top of page