ზრამაგა

(ზემო), დაბა (ქც 4: 646,18), ზრამაგა (ქვემო) ციხე, დაბა (ქც 4:646,6).

იხსენიება შემდეგ წერილობით წყაროებში: ვახუშტი ბაგრატიონის „აღწერა სამეფოსა საქართველოსა“ (ქც 4: 465,1,9; 491,11; 633,20; 644,24; 645,11,22; 646,6,10,15,18,20; 647,2,13), ბერი ეგნატაშვილის „ახალი ქართლის ცხოვრება“ (ქც 2: 442,28), იოჰან გიულდენშტედტის „მოგზაურობა საქართველოში“ (გიულდენშტედტი 1964: 61).

ვახუშტი ბაგრატიონი ზემო ზრამაგას შესახებ აღნიშნავდა: ზრამაგას ხევის „შესართავს ზეით არს ზემო ზრამაგა, დაბა კოშკოვანი და ეკლესია მცირე“ (ქც 4: 646,15,18). „ხოლო ქუემო ზრამაგა არს კასრისა და ჟღელის წყლების შესართავს შუა, და ციხე დიდი, ფრიად მაგარი ... და დაბა კოშკოვანი“ (ქც 4: 646,6).

ლოკალიზდება ჩრდილოეთ კავკასიაში. ისტორიული დვალეთის ნაწილი ამჟამად მოქცეულია ოსეთის (ჩრ. კავკასია) რესპუბლიკის ტერიტორიაზე.