Etym. სიტყვიდან confessione „აღსარება“ ადგილი, სადაც ხდება მონანიების საიდუმლო. ამჟამინდელი სახით სააღსარებო პირველად XVI საუკუნეში დამკვიდრდა. მანამდე აღსარების მიმღებს ჰქონდა ჩვეულებრივი სკამი, რომლისთვისაც ეკლესიაში განსაზღვრული ადგილი არ იყო გამოყოფილი. დღეს სააღსარებო შედგება სკამისა (აღმსარების მიმღებთათვის) და ორი სამუხლისაგან (მონანიეთათვის). ეს უკანასკნელნი სკამისგან გამოიყოფა კედლით, მასში დატანებული გისოსიანი ფანჯრით, რომლის მიღმიდანაც ესაუბრება მონანიე მღვდელმსახურს და უსმენს მას.
Source: პეტროზილო, პიერო. ქრისტიანობის ლექსიკონი/პიერო პეტროზილო; [იტალ. თარგმნა მარიკა სააკაშვილმა; რედ. მერაბ ღაღანიძე; სულხან-საბა ორბელიანის სასწ. უნ-ტი, ქრისტ. თეოლოგიისა და კულტ. ცენტრი]. - თბ.: სულხან-საბა ორბელიანის სასწ. უნ-ტის გამოც., 2011. - 434გვ.; 24სმ.. - ყდაზე: ბერნარდო დადი „ნეტარი ქალწული მარიამის გვირგვინით შემკობა“. - ISBN: 978-9941-0-3408-4