სოფელი ვანის მუნიციპალიტეტში (ამაღლების თემის საკრებულო), მდებარეობს მდინარე კვინისწყლის (რიონის მარცხენა შენაკადი) მარცხენა მხარეს. ზღვის დონიდან – 240 მეტრი, ვანიდან – 14 კილომეტრი. 2002 წლის აღწერის მონაცემებით სოფელში ცხოვრობს 685 ადამიანი. სოფელში არის ალებასტრის საბადო და გოგირდოვანი მინერალური წყალი. პირველად ისტორიულ წყაროებში მოხსენიებულია XVIII საუკუნეში. სოფლის მახლობლად დგას XII საუკუნის თამარის ციხე.
Source: უნივერსალური ენციკლოპედიური ლექსიკონი : [3 ტომად] / შეადგინა ალექსანდრე ელერდაშვილმა. - I-ლი გამოც.. - [თბ.] : ფანტაზია, 2006. - 28სმ.[MFN: 136149]