E. legionellosisRus. легионеллозL. legionellosis ლეგიონელებით გამოწვეული ინფექციური დაავადება, იგივე ლეგიონერების დაავადება. სახელწოდება „ლეგიონელოზი“ მიიღო „ამერიკული ლეგიონის“ ვეტერანების ორგანიზაციის ყრილობის მონაწილეებში (ფილადელფია, 1976) უცნობი დაავადების აფეთქებასთან დაკავშირებით. ინფექციის კარიბჭე სასუნთქი გზებია. ბაქტერიები იწვევენ პნევმონიას ანუ ანთებით-ნეკროზულ ანთებას, რასაც თან ახლავს ცენტრალური ნერვული სისტემის და თირკმლების დაზიანებები. ლეტალობა 20%-ს აღწევს. არასპეციფიკური სანიტარულ-ჰიგიენური ღონისძიებები ძირითადად ითვალისწინებს კონდიციონერების, საშხაპოების პერიოდულ გაწმენდას, გამომწვევი აგენტის წყლის რეზერვუარის გამოვლენას და გაჯანსაღებას.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]