დიფთერია

(ბერძნ. diphthera თხელი გარსი, აპკი) - ქართულად: ხუნაგი. მწვავე ინფექციური დაავადება ორგანიზმის მძიმე ინტოქსიკაციით. ახასიათებს ფიბროზული ნადებები სასაზე, ხორხზე და ტრაქეაზე. გამომწვევია Corynebacterium diphtheriae: გრამ-დადებითი ჩხირი, დამახასიათებელი ქინძისთავისმაგვარი შემსხვილებებით ბოლოში (ვოლუტინის მარცვლები. იხ.). ბაქტერიები განლაგებულნი არიან ერთმანეთისადმი კუთხით, რომაული V-ს მსგავსად. ჩხირი გარემოცულია კაფსულით და აქვს პილები, რაც ხელს უწყობს ადჰეზიის პროცესს.