E. bunyavirusesRus. буньявирусыL. buniavirus რნმ-ს შემცველი ვირუსებია. ვირუსების ამ ოჯახს სახელი ეწოდა უგანდის ერთ-ერთი რაიონის, ბუნიამვერას მიხედვით. ოჯახში შედის 260-ზე მეტი არბოვირუსი. ბუნიავირუსების შეჭრა სამიზნე-უჯრედში ხორციელდება რეცეპტორული ენდოციტოზის საშუალებით. ვირუსული ნაწილაკები უჯრედიდან გამოდის გოლჯის აპარატის სიახლოვეს ლოკალიზებული ვეზიკულების კედლებიდან გამოკვირტვის საშუალებით. ვირუსის გამოსვლა დაინფიცირებული უჯრედიდან ეგზოციტოზის და უჯრედების ლიზისის მეშვეობითაც არის შესაძლებელი. აღნიშნული ვირუსები კალიფორნიის და მოსკიტური ცხელებების, კონგოყირიმის ჰემორაგიული ცხელების და სხვა მძიმე დაავადებათა ძირითადი გამომწვევებია. მათი მასპინძლებია: მღრღნელები, ფრინველები და შინაური ცხოველები.