E. bacterial antigensRus. бактериальные антигеныL. antigenum bacteriales (ბერძნ. bakterion ჩხირი, anti წინააღმდეგ, genos გვარი, წარმოშობა) – ბაქტერიის უჯრედის სტრუქტურაში განასხვავებენ შოლტის, სომატურ, კაფსულის და სხვა ანტიგენებს. შოლტის ანუ H-ანტიგენები ლოკალიზებულნი არიან ბაქტერიის ლოკომოტორულ აპარატში – შოლტებში. სომატური ანუ O-ანტიგენი დაკავშირებულია ბაქტერიის უჯრედის კედელთან, კაფსულის ანუ K - ანტიგენი ლოკალიზებულია კაფსულის წამომქმნელი ბაქტერიების უჯრედის კედლის ზედაპირზე. გარდა ზემოაღნიშნულებისა, ცნობილია აგრეთვე Vi (ვირულენტური) ანტიგენი და სხვ.
Source: გოგიჩაძე, გ. სამედიცინო ტერმინოლოგიის ქართულ-ინგლისურ-რუსულ-ლათინური განმარტებითი ლექსიკონი / გ. გოგიჩაძე, ა. გედენიძე, ჯ. ჭუმბურიძე ; [რედ.: ნოდარ ჭიჭინაძე, ალექსანდრე ქორელი]. - თბ. : მერიდიანი, 2009. - 496გვ. ; 20სმ.. - ბიბლიოგრ.: გვ. 394-395. - ISBN: 978-9941-10-174-8[MFN: 138888]