ტვინი თავის

ცნს-ის ცენტრალური ორგანოა. უზრუნველყოფს ორგანიზმის ყველა სასიცოცხლო ფუნქციის რეგულაციას, ფსიქიკურ ფუნქციებს და აზროვნებას, აგრეთვე წარმოადგენს ინტელექტის, ფსიქიკის, ემოციის, ცნობიერების და მეხსიერების სუბსტრატს. განლაგებულია თავის ქალაში. უერთდება ზურგის ტვინს. დაფარულია შემაერთებელქსოვილოვანი 3 გარსით (მენინგებით). შედგება შემდეგი განყოფილებებისაგან: 1.რომბისებურიტვინისაგან, რომლის შემადგენლობაში შედის უკანა და მოგრძო ტვინი. უკანა ტვინი მოიცავს ვაროლის ხიდს და ნათხემს. 2.შუა ტვინისაგან და 3.წინა ტვინისაგან, რომელიც იყოფა დიდ და შუამდებარე ტვინად (ამ უკანასკნელში შედის თალამუსი და ჰიპოთალამუსი).