სექსოპათოლოგია

(ლათ. sexus სქესი, ბერძნ. pathos ავადმყოფობა, ტანჯვა, logos მოძღვრება) - სწავლება სქესზე, სქესობრივ ურთიერთობებზე და მათ დარღვევებზე. წარმოადგენს კლინიკური მედიცინის სფეროს, რომელიც სწავლობს სქესობრივ მოშლილობებს (სქესობრივი ლტოლვის გამოვლინება, აგზნების ხარისხი და სხვ.), პირველ ყოვლისა მათ ფუნქციურ, ემოციურ, სოციალურ-ადაპტაციურ და სხვა ასპექტებს. ამასთან ერთად, გამოიმუშავებს მათი დიაგნოსტიკის, მკურნალობისა და პროფილაქტიკის მეთოდებს.