მიკროსკოპული სოკოები, რომლებიც წარმოქმნიან ობს ორგანული სუბსტრატების (საკვები პროდუქტების, ქაღალდის, ტყავის და სხვ.) ზედაპირზე. მიეკუთვნებიან სხვადასხვა სისტემატიკურ ჯგუფებს: ზიგომიცეტებს (მუკორი) და არასრულ სოკოებს (ასპერგილუსი, პენიცილიუმი და სხვ.). ახასიათებთ საჰაერო მიცელიუმის ინტენსიური განვითარება. იწვევენ პროდუქტების გაფუჭებას, აგრეთვე მცენარეების ზოგიერთ დაავადებას. ზოგიერთი მათგანი (მაგ., Aspergillus flavus) გამოყოფს ძლიერ ტოქსინებს. გამოიყენებიან ფერმენტების, ორგანული მჟავების, ანტიბიოტიკების და ვიტამინების მისაღებად.
Source: გოგიჩაძე გიორგი, ლექსიკონი ბიოლოგიური და სამედიცინო ტერმინები და ცნებები / გ. გოგიჩაძე, გ. კანდელაკი, თ. გოგიჩაძე. - თბ. : [მერიდიანი], 2011. - 442გვ. ; 20სმ.. - ყდაზე ავტ. მითით. არ არის. - რეზ. რუს. და ინგლ.. - ISBN: 978-9941-10-427-5[MFN: 146200]
to main page 
top of page