შესვლა |
![]() |
![]() |
![]() ![]() |
დასაწყისიკატეგორიები |
ძიება
უცხოეთში მოღვაწე ქართველების (მეფეები, პოლიტიკური და საზოგადო მოღვაწეები, მწერლები, ხელოვნების მუშაკები, მეცნიერები, სასულიერო პირები, სამეფო და თავადაზნაურთა ოჯახების წარმომადგენლები, ქველმოქმედები) მოღვაწეობა და ბიოგრაფიები.
|
თორთლაძე. ლევან![]()
ბიოგრაფიამეცნიერი, ზოოტექნიკოსი ლევან ალექსანდრეს ძე თორთლაძე დაიბადა 1948 წლის 25 ოქტომბერს ქ. ქუთაისში. 1971 წელს დაამთავრა ქ. იჟევსკის (რუსეთი) სასოფლო-სამეურნეო ინსტიტუტი; 1976-1978 წლებში მოღვაწეობდა საკავშირო მეცხოველეობის სამეცნიერო-კვლევით ინსტიტუტში ქ. მოსკოვში; 1974 -1989 წლებში ეკავა სხვადასხვა თანამდებობა უდმურტეთის რესპუბლიკაში; 1989 წლიდან მუშაობდა საქართველოს ზოოტექნიკურ-სავეტერინარო უნივერსიტეტში რძისა და ძროხის ხორცის წარმოების ტექნოლოგიის კათედრაზე, 2002 წლიდან იყო ამავე კათედრის გამგე; 2006 წლიდან - საქართველოს აგრარული უნივერსიტეტის კერძო ზოოტექნიკის დეპარტამენტის უფროსი; ლევან თორთლაძემ მეცნიერულ დონეზე შეისწავლა საქართველოში შემოყვანილი ძროხის მაღალპროდუქტიული ჯიშების აკლიმატიზაციის საკითხები, ძროხის რძისა და ხორცის წარმოების ტექნოლოგია და სხვ.; 1998 წელს გახდა სოფლის მეურნეობის მეცნიერებათა დოქტორი, 2004 წელს - პროფესორი; მეცნიერი იყო სომხეთის სახელმწიფო აგრარული უნივერსიტეტის საპატიო დოქტორი (2006 წლიდან ), ასევე, საქართველოს მეცხოველეთა კავშირის ვიცე-პრეზიდენტი, 2011-2020 წლებში კი საქართველოს ხორცისა და თევზის მეწარმეთა კავშირის ვიცე-პრეზიდენტი; ლევან თორთლაძეს ეკუთვნის მრავალი სამეცნიერო ნაშრომი, არის 3 სახელმძღვანელოს ავტორი და მიღებული ჰქონდა 2 პატენტი გამოგონებაზე; 2002 წელს დაჯილდოვდა ღირსების ორდენით; ასევე დაჯილდოებულ იყო შვედეთის სამეფო ოჯახის მედლით სოფლის მეურნეობის სამინისტროს შვედეთის დახმარების პროგრამის პროექტის განხორციელებაში მონაწილეობისათვის; ლევან თორთლაძე გარდაიცვალა 2020 წლის 24 ნოემბერს, თბილისში. წყარო: https://ka.wikipedia.org/wiki/ლევან_თორთლაძე საქართველო: ენციკლოპედია: ტ. IV. - თბილისი, 2018. -გვ.93 https://georgianencyclopedia.ge/ka/form/26312
|
Biographical Dictionary. version 1.2.2.R1 Copyright © 2010-2012 by David A. Mchedlishvili |