გიორგი სერგოს ძე გოცირიძე

გიორგი სერგოს ძე გოცირიძე დაიბადა 1939 წლის 11 დეკემბერს, მოსკოვში.

1964 წელს დაამთავრა პეტრე ჩაიკოვსკის სახელობის მოსკოვის სახელმწიფო კონსერვატორია (პედაგოგი: მიულერი (მუს.თეორია), 1967 წელს - ასპირანტურა (საოპერო-სიმფონ. დირიჟორი);

1964–1967 წწ. იყო ქ. ჟუკოვსკის (მოსკოვის ოლქი) თვითმოქმედი სიმფონიური ორკესტრის დირიჟორი და სამხატვრო ხელმძღვანელი;

1967–1969 წწ. -  ქ. ალმა-ატას (ყაზახეთი) სახელმწიფო სიმფონიური ორკესტრის დირიჟორი და, პარალელურად, ალმა–ატას ხელოვნების ინსტიტუტის პედაგოგი (სიმფონიური დირიჟორობა);

თბილისში დებიუტი შედგა 1968 წელს;

1969–1970 წწ. -  ქ. ქუთაისის ოპერის თეატრის დირიჟორი;

 1970–1972 წწ. - ზ. ფალიაშვილის სახელობის თბილისის ოპერისა და ბალეტის თეატრისა და სახელმწიფო ფილარმონიის დირიჟორი;

1970–1971 წწ. - გაიარა სტაჟირება ავსტრიაში;

1971 წელს მ. როსტროპოვიჩმა თბილისში გამართა კონცერტების ციკლი, რომლებსაც  გიორგი გოცირიძე დირიჟორობდა. ამ კონცერტებმა ვიოლონჩელოს კონცერტის ჟანრის თითქმის მთელი კლასიკური რეპერტუარი მოიცვა; 

1973 წლიდან მუშაობდა ეგვიპტეში; 

მინიჭებული აქვს უკრაინის დამსახურებული არტისტის წოდება;

1978-1989 წწ. ხელმძღვანელობდა ოდესის ფილარმონიის სიმფონიურ ორკესტრს;

ოდესასა და მოსკოვში მოღვაწეობის დროს გამართა ო. თაქთაქიშვილის, ს. ცინცაძის საავტორო კონცერტები. აქვე თანამშრომლობდა ქართველ მუსიკოსებთან: ე. ვირსალაძე, მ. ამირანაშვილი, ლ. ისაკაძე, ლ. თორაძე და სხვ.;

მის რეპერტუარში იყო ქართული ნაწარმოებები: მ. ბალანჩივაძე - "დარეჯან–ცბიერი", ზ. ფალიაშვილი - "აბესალომ და ეთერი", "დაისი", ო. თაქთაქიშვილი - "მინდია", ს. ცინცაძე - ორატორია "უკვდავება" (პირვ. შესრ. 1970.13.04), ჯ. ადამაშვილი - საყვირის კონცერტი (პირვ. შესრ. ბათუმი, 1977) და სხვ.;

 სხვა რეპერტუარი: მოცარტი -"ჯადოსნური ფლეიტა", პუჩინი - "ბოჰემა", როსინი - "სევილიელი დალაქი", ლეონკავალო - "ჯამბაზები", ჩაიკოვსკი - "ევგენი ონეგინი"; სიმფონიები: ჰაიდნი, მოცარტი, ბეთჰოვენი, ბრამსი, შუმანი, შუბერტი, ლისტი, ფრანკი, მალერი, სიბელიუსი, ჩაიკოვსკი, ბოროდინი, სკრიაბინი, შოსტაკოვიჩი (ყველა სიმფონია); ინსტრუმენტულ-ვლნჩ კონცერტები: დვორჟაკი, ხრენნიკოვი, ბაბაჯანიანი, პროკოფიევი, ჩაიკოვსკი, ხაჩატურიანი, ჰაიდნი, შუმანი, სენ-სანსი და სხვ,;

წყარო:

1. ქართული მუსიკის ენციკლოპედიური ლექსიკონი. – თბ., 2015. – გვ. 123

2. https://sites.google.com/site/philarmonicalodessa1980s/fotoarhiv/georgij-sergeevic-gociridze