გიორგი ვახტანგის ძე თავაძე

გიორგი ვახტანგის ძე თავაძე დაიბადა ოზურგეთის მაზრის სოფელ ზემო ხეთაში. განათლება მიიღო ქუთაისის კლასიკურ გიმნაზიაში. 1896 წელს დაამთავრა თბილისის ქვეითთა სამხედრო სასწავლებელი, 1912 წელს - ნიკოლოზის საინჟინრო სასწავლებელი (I-ი თანრიგით).

სამხედრო სამსახურში ჩადგა 1901 წლიდან. 

მონაწილეობდა რუსეთ-იაპონიისა (1904-05) და პირველ მსოფლიო ომებში (1914-1918). 

1913 წლიდან მსახურობდა კავკასიის მე-2 მსროლელთა პოლკში.

1913 წელს კაპიტანი გახდა; 1916  წლის 30 აგვისტოს კი პოლკოვნიკის სამხედრო წოდება მიენიჭა.

1917-1918 წლებში ხელმძღვანელობდა კავკასიის მე-3 მსროლელთა პოლკს.

1918-1921 წლებში იმყოფებოდა საქართველოს დემოკრატიული რესპუბლიკის  შეიარაღებულ ძალების რიგებში - მსახურობდა სამხედრო სამინისტროში, მეთაურობდა ქართულ ლეგიონს.

თავი გამოიჩინა საქართველო-სომხეთის 1918 წლის ომის დროს. იყო თელავის ქვეითთა პოლკის ქვედანაყოფის მეთაური.

1919 წელს გენერლის წოდება მიიღო.

დაჯილდოებული იყო წმ. გიორგის ოქროს იარაღით (15.03.1918) და წმ.ანას  IV (მამაცობისათვის-1915 ) ხარისხის ორდენით.

1921 წელს, საქართველოს გასაბჭოების შემდეგ, ემიგრაციაში წავიდა.

გარდაიცვალა 1930 წელს, საფრანგეთში.

წყარო:

1. http://mematiane.ge/product-details.php?id=2036

2. https://ka.wikipedia.org/wiki//გიორგი_თავაძე_(გენერალი)

3. საქართველო: ენციკლოპედია: ტ.III.–თბ., 2014. -გვ.426; 

4. გოგიტიძე მ., ბეჟიტაშვილი გ. სამხედრო ფიცის ერთგულნი: ქართველი გენერლები.-თბ., 2015.-გვ.33;  

5. ბახტაძე მ. საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.175