ოსმან ნური ღაზი ფაშა თავდგირიძე

ოსმალეთის ჯარის მარშალი (მუშირი, 1881) ოსმან ნური-ღაზი ფაშა (თავდგირიძე) დაიბადა 1840 წელს, ქ. სტამბოლში. წარმოშობით ქობულეთიდან იყო.

მსახურობდა სამხედრო გუბერნატორად ჰიჯაზში და სირიაში.  

იგი კარგი კალიგრაფი და მხატვარი იყო. მექაში ააგო არაერთი ისტორიული ნაგებობა, მათ შორის სამთავრობო სახლი, 4 სამხედრო გარნიზონისა და 18 პოლიციის განყოფილების შენობა.

მომლოცველებისათვის მინას მთაზე გაიყვანა წყალი; ააგო სტამბა, სკოლა და საავადმყოფოები; დანერგა ტელეგრაფის სისტემა.

ამასთანავე, განმუხტა რეგიონში არსებული პოლიტიკური ვითარება, განამტკიცა ოსმალთა მმართველობა. 

გარდაიცვალა 1898 წელს. დაკრძალულია სტამბოლში, კარაჯა–ახმადის სასაფლაოზე.

წყარო:

1. საქართველო: ენციკლოპედია: ტ.III.–თბ., 2014.-გვ.432