გიორგი მენაბდე

პირველი ქართველი, რომელმაც მოსკოვში გახსნა სამიკიტნო-რესტორანი („Кавказский погребок-ресторан“) იყო ქ. ოზურგეთში მცხოვრები გიორგი მენაბდე. სამიკიტნო მდებარეობდა ლეონტის შესახვევის ექვს ნომერში და გამოირჩეოდა პროდუქტის მაღალი ხარისხითა და ხელმისაწვდომი ფასებით. ალბათ ამიტომაც სარგებლობდა მზარდი პოპულარობით მოსკოველთა შორის.

გიორგი ბეჟანის ძე მენაბდე დაიბადა 1870 წელს, ოზურგეთში. პირველდაწყებითი განათლება ოჯახში მიიღო. 1898 წელს წამოიწყო საკუთარი საქმე. დამწყები მეწარმის შესაშური ენერგიულობის, შრომისმოყვარეობისა და საქმის სიყვარულის წყალობით მისმა ფირმამ დიდ წარმარტებას მიაღწია. 

გიორგი მენაბდეს მიღებული აქვს „Grand prix“-ი და დიდი მედალი მსოფლიო გამოფენაზე, რომში; ოქროს მედალი - ყუბანო-დონის საიმპერატორო სასოფლო-სამეურნეო გამოფენაზე. ის იყო ქართველთა საქველმოქმედო საზოგადოების, ტუბერკულიოზთან მებრძოლი საზოგადოებისა და სავაჭრო ბირჟის წევრი. აგრეთვე, მოსკოვის რესტორატორთა გაერთიანების წევრი.

წყარო:

1. https://nobility.pro/ru/statya/1289-menabde-georgij-bezhanovich.html