ტატა თვალჭრელიძე

დაბადების ადგილი: ქ. თბილისი.

დაამთავრა შოთა რუსთაველის სახელობის თეატრალური ინსტიტუტის თეატრმცოდნეობის ფაკულტეტი 1963 წელს და რსფსრ მეცნიერებათა აკადემიის ხელოვნებათმცოდნეობის ინსტიტუტის ასპირანტურა (მოსკოვი, 1971).

მუშაობდა საქართველოს მეცნიერთა აკადემიის ფილოსოფიის ინსტიტუტში; 1972 წლიდან სიცოცხლის ბოლომდე ეწეოდა პედაგოგიურ მოღვაწეობას თბილისის სახელმწიფო უნივერსიტეტში, სადაც თამაზ ქვარიანთან ერთად, უნივერსიტეტის მეექვსე კორპუსში ჩამოაყალიბა კინო ფაკლუტეტი; 1987 წელს უნივერსიტეტში დააარსა ასევე კინოს ენისა და სტრუქტურის სამეცნიერო-კვლევითი ლაბორატორია, რომელსაც სიცოცხლის ბოლომდე ხელმძღვანელობდა. ამ ლაბორატორიის მუშაობის ნაყოფი იყო მისი წიგნი "კინემატოგრაფიული ძიებანი", რომელიც ქართულ კინომცოდნეობაში დღემდე რჩება ერთ-ერთ მნიშვნელოვან გამოცემად, საკითხისადმი მისი ანალიტიკური მიდგომის გამო. მისი წერილები კინოხელოვნების სხვადასხვა საკითხებზე გამოქვეყნებულია პერიოდულ გამოცემებში. მისი ავტორობით მომზადდა არაერთი ტელე და რადიოგადაცემა, მათ შორის საქართველოს ტელევიზიის I არხის გადაცემათა ციკლი "ფილმი და რეჟისორი"; მისი სცენარებით გადაღებულია დოკუმენტური ფილმები  "სესილია თაყაიშვილი" ( რეჟ. თ. ბაქრაძე, 1980), "ეროსი მანჯგალაძე" (რეჟ. ნ. ჯორჯაძე 1983), სამეცნიერო-პოპულარული ფილმი "ჯადოსნური საცერი" (რეჟ. ვ. სემიონოვი, 1985) და სხვა. კინომცოდნე. 

საკანდიდატო დისერტაციის თემა - "მსახიობი ქართულ კინოში", დაიცვა 1971 წელს. 

წყარო: საქართველო: ენციკლოპედია: ტ. IV. -თბ., 2018. -გვ.59; feminism-boell.org 

• კინოხელოვნების პრობლემები : ენა, სტრუქტურა, სოციოლოგია (რედაქტორი). - თბილისი, თბილ. უნ-ტის გამ-ბა, 1992. - 316გვ.. - ISBN: 5-511-00468-5
• კინემატოგრაფიული ძიებანი (ავტორი). - თბილისი, ხელოვნება, 1989. - 261გვ.
• სიმართლე ეკრანზე (ავტორი). - თბილისი, ხელოვნება, 1981. - 207გვ.
• სესილია თაყაიშვილი : როგორც კინომსახიობი (ავტორი). - თბილისი, საქ. სსრ სახკინოს სარეკლამო-საგამომცემლო განყ-ბა, 1978. - 45გვ.