მოსე გოგიბერიძე

სწავლობდა ბერლინისა და მარბურგის უნივერსიტეტებში ფილოსოფიას, ბუნებისმეტყველებასა და პოლიტეკონომიას 1918–1921წწ.

1923 წლიდან იყო თბილისის სახელმწიფო უნივერსიტეტის თანამშრომელი; 1930 წლიდან პროფესორი; ბუნების დიალექტიკის კათედრის გამგე; 1933–1941წწ. ფილოსოფიის კათედრის გამგე. 1941 წელს დააპატიმრეს ფაშისტური გერმანიის აგენტობის ბრალდებით და გადაასახლეს აქტიუბინსკში. 
მისი ძირითადი შრომები ეხება ფილოსოფიის ისტორიას, შემეცნების თეორიას, ბუნებისმეტყველების ფილოსოფიასა და ქართული ფილოსოფიის ისტორიას; შემეცნების თეორიის აქტუალური საკითხები დამუშავებულია ნაშრომებში: "შემეცნების აქსიომატური დასაბამი" (1926), "შემეცნების საგნის პრობლემა" (1928), "მეცნიერება და რელიგია" (1929); ამუშავებდა ზოგადი ფილოსოფიის, მარქსისტული ფილოსოფიის, აგრეთვე ქართული ფილოსოფიის ისტორიის საკითხებს; ზოგად ფილოსოფიას მიეკუთვნება – "ფილოსოფიის ისტორია" (1941), მარქსისტულ ფილოსოფიას - "მატერიალიზმისა და დიალექტიკის პრობლემების განვითარება მარქსამდე" (1928); ქართული ფილოსოფიის ისტორიას ეძღვნება შრომები: "რუსთაველის მსოფლმხედველობის სათავეები" (1937), "წერილების ციკლი იოანე პეტრიწზე" (1940), "ქართული ფილოსოფიის პრელუდიები" (1961); 1970–1978წწ. გამოიცა გოგიბერიძის რჩეული ფილოსოფიის თხზულებანი 4 ტომად. 

დაცული აქვს სადოქტორო დისერტაცია ცნობილი ფილოსოფოსის ნ. ჰარტმანის ხელმძღვანელობით 1922 წელს მარბურგში.

წყარო: ქართული საბჭოთა ენციკლოპედია, ტ. 3. - თბ., 1978. -გვ. 197 

• ლენინი როგორც ფილოსოფოსი (ავტორი). - ტფილისი, სახელგამი, 1930. - 216გვ.
• მეცნიერება და რელიგია (ავტორი). - ტფილისი, შრომა, (პოლიგრაფტრ. 1-ლი სტ.), 1929. - 76გვ.
• ისტორიული მატერიალიზმი : ქრესტომატია (ავტორი). - ტფილისი, სახელგამი, 1927. - 310გვ.
• აინშტაინის რელატივობის თეორია და მისი ფილოსოფიური საფუძვლები (ავტორი). - ტფილისი, პოლიგრაფსკოლის სტ., 1924. - 56გვ.