ჯონდო გვასალია

დაბადების ადგილი: ქ. თბილისი.

1951 წელს სწავლობდა საქართველოს პოლიტექნიკური ინსტიტუტის ქიმიის ფაკულტეტზე; ერთი წლის შემდეგ სწავლა განაგრძო თბილისის სახელმწიფო უნივერსიტეტში; დაამთავრა თბილისის სახელმწიფო უნივერსიტეტის ისტორიის ფაკულტეტი 1957 წელს.

1958 წლიდან მუშაობდა ივანე ჯავახიშვილის სახელობის ისტორიისა და ეთნოგრაფიის ინსტიტუტში ისტორიული გეოგრაფიის განყოფილებაში უფროს ლაბორანტად; 1964 წლიდან იყო უმცროსი მეცნიერ თანამშრომელი; 1970 წლიდან უფროსი მეცნიერ თანამშრომელი; 1988 წლიდან იყო წამყვანი მეცნიერ თანამშრომელი, შემდეგ მთავარი მეცნიერ თანამშრომელი; მისი სამეცნიერო მოღვაწეობის სფერო მრავალფეროვანია; მუშაობდა ისეთ საკითხებზე, როგორებიცაა შიდა ქართლის ისტორიული გეოგრაფიის პრობლემები, საქართველოში ოსთა მიგრაციის საკითხები. არის თანაავტორი საქართველოს ისტორიული ატლასისა. გამოქვეყნებული აქვს მრავალი სამეცნიერო და საგაზეთო სტატია, ესკიზი და პოეტური ნაწარმოები. ქართულ საბჭოთა ენციკლოპედიაში შესულია მისი 100-ზე მეტი სტატია;ის  ერთ-ერთი პირველი იყო, რომელმაც ოსების საქართველოში მიგრაციის პრობლემა შეისწავლა. ისტორიის მეცნიერებათა დოქტორი (1986).

საკანდიდატო დისერტაციის თემა - "ქართლის ისტორიული გეოგრაფიიდან (ქსნის საერისთავო)", დაიცვა 1970 წელს; სადოქტორო დისერტაციის თემა - "აღმოსავლეთ საქართველოს ისტორიული გეოგრაფია : (შიდა ქართლი IV-XVIII სს.)", დაიცვა 1986 წელს.

• ივანე ჯავახიშვილის სახელობის პრემია

• საქართველოს მოკლე ისტორიულ-გეოგრაფიული მიმოხილვა (ავტორი). - თბილისი, 2001. - 30გვ.
• შიდა ქართლი და ოსური საკითხი (ავტორი). - თბილისი, მერიდიანი, 1997. - 84გვ.
• ოსთა საკითხი : კრებული (თანაავტორი). - თბილისი, პითაგორა, 1996. - 382გვ.
• ქართული კულტურის ისტორია : ლექციების კურსი (ავტორი) // წ.1. - თბილისი, ქრონოგრაფი, 1995. - 91გვ.
• მრწამსი : ესკიზები, ლექსები (ავტორი). - თბილისი, ქალდეა, 1995. - 125გვ.
• Осетинский вопрос (თანაავტორი). - Тбилиси, Кера ХХI, 1994. - 343с.
• Историческая география Восточной Грузии : Шида Картли (ავტორი). - Тбилиси, Изд-во Тбил. ун-та, 1991. - 221с.. - ISBN: 5511004103
• აღმოსავლეთ საქართველოს ისტორიული გეოგრაფიის ნარკვევები (შიდა ქართლი) (ავტორი). - თბილისი, მეცნიერება, 1983. - 202გვ.