სლავა მეტრეველი

დაბადების ადგილი: ქ. სოჩა.

დაამთავრა თბილისის სახელმწიფო უნივერსიტეტი 1972 წელს.

1956-1962 წწ. გამოდიოდა მოსკოვის "ტორპედოში"; 1963-1971წწ. იყო თბილისის "დინამოს" თავმდამსხმელი; 1967 წლიდან გუნდის კაპიტანი. უმაღლეს ლიგაში ჩატარებული აქვს 376 მატჩი (84 გოლი). სსრკ ნაკრებში ჩაატარა 48 მატჩი (11 გოლი); 1960 წელს ევროპის თასის მფლობელი; 1966 მსოფლიო ჩემპიონატის ბრინჯაოს მედლის მფლობელი (IV ადგილი); ორგზის ჩემპიონი (1960,1964); ორგზის მეორე (1957,1961) და ორგზის მესამე (1967, 1969) პრიზიორი. 8 ჯერ შევიდა სსრკ 33 საუკეთესო ფეხბურთელის სიაში (6-ჯერ - პირველ ნომრად); 1964 წელს დაასახელეს საქართველოს საუკეთესო სპორტსმენად; 1968 წელს ითამაშა მსოფლიო ნაკრების შემადგენლობაში. 1972-იდან მუშაობდა მწვრთნელად. ყველა დროის ერთ-ერთი უძლიერესი მარჯვენა გარემარბი. გამოირჩეოდა ფილიგრანული ტექნიკით, დიდი სისწრაფით, უნაკლო პასით და სხარტი საფეხბურთო აზროვნებით.

წყარო:თბილისი: ენციკლოპედია.- თბ., 2002. - გვ.666-667; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.344

• საქართველოს დამსახურებული მწვრთნელი (1976-)
• სსრკ სპორტის დამსახურებული ოსტატი (1960-)

• 1996 - ღირსების ორდენი
  ქართული ფეხბურთის განვითარებაში შეტანილი განსაკუთრებული წვლილისა და ახალგაზრდა სპორტსმენების მომზადების საქმეში დიდი ღვაწლისათვის
• 1964 - სსრკ ჩემპიონი
• 1960 - სსრკ ჩემპიონი
• 1960 - საბჭოთა კავშირის თასის მფლობელი